شكلك بالمرآة ام الكاميرا الخلفية : ايهما الحقيقي ؟
عمرك شفت صورتك بالكاميرا الخلفية ولقيت ان شكلك متغير او معكوس عن الي بتشوفه في المرآه؟ بعدها قعدت تقارن وتسال نفسك مين الحقيقي شكلي هنا ولا هنا
انا متاكد ان أغلبنا سأل السؤال ده لنفسه وكان في فترة على السوشيال ميديا الحوار ده طالع تريند تلاقي فيديو يقولك صورتك في الكاميرا هي الحقيقية فثقتك تضيع والي يقولك صورتك بالمرآه هي الحقيقية فثقتك ترجع وتلاقي مجموعة تالته نسبوا الموضوع لتناسق الوجه بس الحوار غير كده خالص
الفكرة كلها في كيفية تأقلم العقل لشكلك، يعني ايه ؟
انت كل يوم بتصحى من نومك بتشوف وجهك في المرآه فعقلك اتسستم واتعود إن ده شكلك الطبيعي الي هو مرتاح بيه فلما تشوف شكلك في الكاميرا عقلك مش متعود عليه فعقلك يكون مستغرب ازاي ملامحك معكوسه فتبدأ متتقبلش شكلك ده
نفس الكلام مع صحابك مثلا دايما شايفين شكلك الي هو يعتبر من منظور الكاميرا الخلفية بس هما عقلهم اتسستم واتعود على الشكل ده بالتناسق ده وشكلك ده بقا مريح ليهم وطبيعي فلو شافوا شكلك في المرآة هيكون غريب ليهم ولو لاحظت إن لما تقولهم شكلي مش مظبوط في الصورة يقولك شكلك عادي يبني فين الي مش مظبوط
وانا متاكد انك في مرة وقفت في مرة مع صاحبك قدام مرآة وكنت بتبص عليه تلاقي شكله غريب عن العادي او معكوس رغم ان ده شكله الي هو متعود عليه بس مش انت الي متعود عليه
نفس الكلام بيحصل لما تغير حاجة في شكلك زي انك تقص شعرك أو لحيتك فتبدأ اول كام يوم تشوف شكلك غريب اوي عن الي عقلك متعود عليه وتحس ان شكلك وحش مع مرور كام يوم لما عقلك يتعود عليه تلاقي شكلك طبيعي وحلو كمان امال ازاي انا كنت شايف ان شكلي وحش
فالفكرة في برمجه وتأقلم العقل مش اكتر ، شكلك طبيعي طول الوقت لكل الناس حتى لنفسك فمتشغلش بالك بالحوار ده كتير .
أعتقد أن لا المرآة ولا الكاميرا قادرتان على إظهار الإنسان كما هو تمامًا.
فالمرآة تعكس صورة اعتدنا رؤيتها، والكاميرا تلتقط لحظة ثابتة تتحكم فيها الزاوية والإضاءة والعدسة، بينما العين البشرية ترى الإنسان حيًّا بتعابيره وحركته ونظرته وحضوره الكامل.
لذلك أشعر أحيانًا أنني أبدو مختلفة بين الواقع والصور والمرآة، وكأن الجمال الحقيقي لا يظهر كاملًا إلا بالعين البشرية، لأنها ترى الإنسان كروح وحضور، لا كلقطة جامدة فقط.
الصراحة لا عيدت ولا اتعيدت، وقضيت اليوم كله قدام المراية لنفس سبب المقال بتاعك.
حرفيًا فيه مراية معينة بشوف نفسي فيها حلوة جدًا لدرجة إني بستغرب: لو الناس شايفاني بنفس الطريقة دي، المفروض يندهشوا ويتأملوا في ملامحي
وفي مراية تانية بحس إني واحد مدمن بقاله شهرين مش بينام، وفي التليفون شكلي بجد أعوذ بالله.
بس الصراحة أنا شايفة إنه لو فيه مراية مميزة بتخليك تحب شكلك، فاعتمد عليها وخلاص، واعتبر إن الناس شايفينك بنفس الانعكاس ده بدل ما تعقد الموضوع زيادة.
وأصلًا المراية مش بتحط فلتر، فخليك واثق إن الناس شايفاك أحسن بكتير مما التليفون بيحاول يقنعك.
ومع الوقت أدركت إن الموضوع كله بيعتمد على الإضاءة، والزوايا، وحتى تعودنا على شكلنا.
و غير كده انا من كتر هوسي بالموضوع جبت اقرب الناس ليا و جبت صوري على التليفون و قلت لهم ده شكلي ؟
و قالوا مش اوي !
بينما في المرايا قالوا اه ده شكلك...
فعلشان كده لو في مراية بتخليني مرتاحة وواثقة في نفسي، ليه ما اعتمدش على انعاكسي فيها و ليه أركز على أسوأ لقطة ممكنة ؟